බ්ලොග් හිට්ස් 10,000+ | සිංහල බ්ලොග්කරණය

ගිය අවුරුද්දෙ (2011) මැයි මාසෙ බ්ලොග් ලියන්න පටන් ගත්ත මම මාව එදා ඉදන්ම හදුන්වගත්තෙ ආගන්තුකයා විදිහට. මම මේ ලිපිය ලියන්නේ මගේ බ්ලොග් අඩවියේ හිට්ස් 10,000 සීමාව අද සම්පූර්ණ උන නිසා. ඇත්තටම මට පුදුමයි එච්චර වතාවක් මගේ බ්ලොග් එක බැලුනා කිවුවාමත්. ඇත්තමට මම වෙලාවකට ලියනවා, තව සති ගාණක් අත්තැරලා දාලා ඉන්නවා, බ්ලොග් එක ඩිලීටි කරනවා.. මේ හැම දෙයක්ම අස්සෙ බ්ලොග් එක මෙච්චර ගාණක් බැලුවා කිවුවාම පුදුමයි. කො‍හොම උනත් අදවෙනකන් (සහ ඉදිරියටත්) මම මගේ බ්ලොග් එකේ ලියන්නේ මට දැනිච්ච දේවල් සහ මගේම නිර්මාණ. ඒක ගැන මට සතුටුයි. 

බ්ලොග් එක ගැන ආපහු පොඩ්ඩක් හැරිලා බලන්න හිතුනා. 2011.05.22 තමයි මගේ බ්ලොග් එකේ පළවෙනි පෝස්ට් එක, මේ දවස් වල විස්තර ලියලා තියෙන්නේ. ඒකට එක ප්‍රතිචාරයයි ලැබිලා තියෙන්නෙ. ඒක සදුනි නංගි ගෙන්. මගේ පළවෙනි ෆලෝවර් තමයි... එක්කො ඕන නෑ... දැනට ෆලෝවර්ස්ලා 55 ක් මගේ බ්ලොග් එකේ ඉන්නවා. (සාපේක්ෂව අඩුයි) එදා පටන් අද දක්වා පෝස්ට් 71 ක් මගේ අතින් ලියවිලා පළ වෙලා තියනවා. ඒ අතරෙන් රන්දිව Black Board සාකච්ඡාව - ජනක අබේවර්ධන කියන පෝස්ට් එක තමයි වැඩිම දෙනෙක් බලලා තියෙන්නේ‍. ඒත් එක්කම,

• රූමස්සල සුහද හමුව
• මගේ අයියලා දෙන්නා - My Brothers
• කතාවක්‍‍..
• හපොයි සර්... 

වගේ පෝස්ට් වැඩි දෙනෙක් බලලා තියනවා. ඒ අතරෙන් රූමස්සල සුහද හමුව පෝස්ට් එකට තමයි ලෝභ නැතුව කමෙන්ට් 30 ක් ම ගහලා තියෙන්නේ. මෙතෙක් කාලෙකට මට ලැබිලා තියන ප්‍රතිචාර 430 ක්. ඒකෙ මම රිප්ලයි විදිහට ගහපුවා ත් තියන නිසා 250 - 300 ක් වගේ තමයි ප්‍රතිචාර ලැබිලා තියෙන්නේ. ඒ කියන්නේ 2.5% - 3.5% විතර කමෙන්ට් එකක් ගහලා යනවා.

අද විශේෂ නිසා බ්ලොග් එක ටිකක් වෙනස් කරා. (ටෙම්ප්ලේට් එක). ඒක හොදද නරකද කියලා යන්න හොදද.. ඒත් එක්කම කියන්න ඕන මගේ ප්‍රොජෙක්ට් එක කියවන්න ඕන කියලා කීප දෙනෙක් සිංහල බ්ලොග්කරුවන්ටයි මේ ස්තුතිය... පෝස්ට් එටක් කියලා තිබ්බා. ඒ අය මෙන්න මේ ලිංක් එකෙන් මගේ ප්‍රොජෙක්ට් එක ඩවුන්ලෝඩ් කරගෙන බලන්න.

මෙච්චර කාලයක් මාත් එක්ක හිටපු, හොද නොහොද කියලා මාව දිරිමත් කරපු හැම කෙනෙක්ටම ගොඩක් ස්තුතියි.