බැරි දේ කරන්නට යාම (සින්දු කියනවා වගේ :/)

ආගන්තුකයා ගොඩක් කැමතියි පරණ සින්දු වලට. ඇත්තෙන්ම අද කාලෙ සංගීතෙ විරලව තියන අර්ථ රසය පුදුම විදිහට ගැබ් වෙලා තියනවා ඒ සින්දු වල. අපි "දැන් සින්දුවකට" කොච්චර කැමතියි කිවුවත්, ඒ කාලෙ සින්දු තාමත් අපේ හිත් වල තාමත් රැවු දෙනවා. ආගන්තුකයා හැබැයි නිකං ඉන්න ජාතියෙ කෙනෙක් නම් නෙමෙයි. කොහොම හරි සින්දුවක් මතක් උනා නම් මුමුණනවාම තමයි. 

ආගන්තුකයා ගේ වේදිකාව තමයි බාත්රූම් එක. "මේ ලෝකය බාත්රූම් එකක් උනා නම් මා හට ද ගායකයෙක් වන්නට තිබුනා" කියලා ආගන්තුකයාටත් නොහිතුනා නොවෙයි. ඒත් ආගන්තුකයා පොඩි අලුත් පියවරක් තියන්න තීරණය කළා. ඒ තමයි "බාත්රූම් එකෙන් ඔබ්බට" කියන සංකල්පෙ ගේන එක. මොකක්ද කියලා තේරෙයි දැන්.. 

හංසරාජිනී... මේ මම ගොඩක්ම කැමති සින්දුවක්. ඇත්තෙන්ම ඒක කියන්නෙ නම් සුනිල් එදිරිසිංහ මහත්මයා‍. ඇත්තටම මම මේ සින්දුවට කැමති උනේ Super Star එකේ දුමාල් වර්ණකුලසූරිය අයියා මේ සින්දුව කියනවා දැකලා. ඇත්තටම ඒක අනගි ගායනයක්. මගේ බාත්රූම් එකේ නිතරම කියවෙන සින්දුවක් තමයි ඒක. මොකද කියලා නම් දන්නෙ නෑ. ඍති පැන්නත්, තාල වැරදුනත්, වචන පිටපොට ගියත්, ඇග හෝදලා එහෙම ඉවර උනත්, කියන්න ගත්ත සින්දුව කියලා ඉවර කරලා තමයි එලියට එන්නේ. අම්මා ඉතිං එලි‍යේ ඉදං සින්දු කියනවා. මොනා කරන්නද ඒත් අපි වැඩක් පිළිවෙලකට කරන්න ඕන නේ. 

අර බාත්රූම් එකෙන් ඔබ්බට කියපු සංකල්පෙ ඇත්තටම කියනවා නම් ගායනා කරන්න ටිකක් අමාරු හංසරාජිනී වගේ සින්දුවක් කියලා දාන එක. (මම කිවුවෙ කියලා දානවා කියලා හොදද..) 

හැබැයි කවුරුත් හිතන්න එපා මම ඒ සින්දුව අවමානෙට ලක් කරන්න හිතන් කිවුවා කියලා. පුළුවන් හැටියට කිවුවෙ.. :( 

මේ තියෙන්නෙ මම කියපු සින්දුව,

මේක තමයි ඔරිජිනල් එක,

මේක දුමාල් වර්ණකුලසූරිය කියපු එක...

කොහොමද මගෙ ටැලන්ට් එක නේ.. හිකිස්...

බනින්න ඕන නම් මගේ ඊමේල් එකට එවන්න. (මොකද ප්‍රසිද්ධියේ බන්න එක හරි නෑ නේ) බනින්නෙ නැත්නම් කියන දෙයක් මෙතනින් කියන්න... 

(කන සම්බන්ධව වගකියනු නොලැබේ)