Friday, October 28, 2011

All For Richmond - Non For Self

සිත් රිදුමක් මෙය ලිවීමට අඩිතාලමක් විය. ඒ අන් කවරක් නිසා වත් නොව, මේ අපේ විදු මෑනියන්ට කළ නින්දාවක් නිසාවෙනි. ඒ මෙයයි. අපගේ නිල ලාංඡනයට කර ඇති නින්දිත ක්‍රියාවයි.


බලන අයට ඕනෑම දෙයක් කීමට හැක. මෙය ද එයින් එක් අවස්ථාවකි. අප දෙවන මෑණියන් ලෙස සලකන රිච්මන්ඩ් මාතාමට අපහාස කොට ලබාගන්නා නින්දිත සතුට කුමක් දැයි තේරුම්ගැන්මට නොහැක. එය කෙනෙකුට මහත් ප්‍රීතියක් වන්නට ඇත. ඒ ප්‍රීතිය භුක්තිවිදීමට ඉඩ හැර බලා සිටින්නම්. සියල්ලටම පෙර තමන් ද යම් පාසලක් නියෝජනය කරන බැවු අමතක කර ඇත්තේ එම පාසලට ගරු නොකරන, හෙන ගැහුවත් කම් නැති යයි සිතා සිටින අයවලුන් ය. නොඑසේ නම් වීදුරු ගෙවල් වල සිට ගල් නොගැසිය යුතු යයි නොදන්නා මුක්ධයන් ය. 1 වසරේ සිට 13 වසර දක්වා අදටත් ඉගෙනගන්නා මාගේ පාසල් මාතාවට, එහි කියවෙන්නා වූ උදාර වචන පාඨ වලට අගරු කරන්නේ මොන සිතකින් ද කියා නම් මම නොදනිමි. අප හට උගන්වා ඇත්තේ අන් දේ ට ගරුකරන්නටයි. එමගින් අප ලබා ඇති තත්වය කිසි කෙනෙක් ට සම කළ නොහැකි බැවු අමතක නොකළ යුතු ය. "ජීවිතය නම් වූ සාගරයේ බුදුන්, දහම්, සගුන් කියූ පරිදි යාත්‍රා කරන අධ්‍යාපනය නම් වූ නෟකාව වසර 135 කට වැඩි කලක් තිස්සේ චණ්ඩ මාරුතයන්ට හසු නොවුනා නොවේ. ඒ සියල්ල මැඩ ඉදිරියට ඇදුන් අපි අන් කිසිවෙක්ට ක්‍රෝධ නොකරන්නෙමු, වෛර නොකරන්නෙමු, ඊර්ෂ්‍යා නොකරන්නෙමු. අපේ විදු මෑණියන් අපට උගන්වා ඇත්තේ මුක්ධයන් කරන දේවල් වලට මුක්ධ ලෙස හැසිරීමට නොව, නුවනින් සිතා උපහාසයෙන් සිනා සීමට ය. මෙයින් බලාපොරොත්තු වූයේ ප්‍රතිචාර නම්, රිචිමන්ඩ් මෑණියන්ට ආදරය කරන මේ දැක ලේ රත් වූ රිචිමන්ඩ්වරුන්ගේ සහ පාසලකට ගරු කරන අයවලුන්ගේ මෙන්ම අගරු කරන අයවලුන්ගේ ද පුතිචාර එමට ලැබී ඇති යයි සිතමි. ලංකාවේ පළමුවෙන්ම නිල ලාංඡනයක් පැලැන්දේ රිචිමන්ඩ්වරුන් යයි නොදන්නවා විය හැක. ගාලු අග්‍ර පාඨශාලාවේ මීට වසර 135 කට උඩදී අභිමානනීය ලෙස එය පැළද සිටි 104 දෙනා අද ජීවතුන් අතර ද නැත. එහෙත් ඔවුන් ඉතිරි කර ගිය දෑ අදටත් ඔබ භුකිතිවිදින බව අමතක කර ඇති බව දැනේ. C.W.W. කණ්නංගර, නිදහස් අධ්‍යාපනයේ පියා, රිච්මන්ඩ් වංශකතාවේ පළමු ප්‍රධාන ශිෂ්‍ය නායකයා ද අභිමානයෙන් පැළද සිටියේ මේ නිල ලාංඡනයම ය. අවසානයේ කියන්නට ඇත්තේ තමන්ගේ හැකියාවන් ප්‍රයෝජනවත් ලෙස පාවිච්චි කිරීමට වග බලාගත යුතු බවයි. පාසලකට ආදරයක්, ගෞරවයක් ඇත්තන් මෙවැනි දෑ නොකරන බව මම දනිමි. එමෙන්ම මෙය තවත් එක් විහිලුවක් නොවේ. එය මතක තබාගත යුතු ය. 



4 comments:

  1. මොකද මල්ලියෝ වුනේ..

    ReplyDelete
  2. බලන්න අක්කේ අර අපතයෙක් අපේ Crest එකට කරලා තියන දේ..

    ReplyDelete
  3. මොනවා උනත් වැඩේ වැරදියි..

    ReplyDelete
  4. තමන්ගෙ ඉස්කෝලෙ ගැන කැක්කුමක් තියන කෙනෙක් ට ඉවසන් ඉන්න බෑ දිනේහ් අයියේ.. :(

    ReplyDelete

මේ හැමදේම වෙන්නෙ මිනිස්සුන්ට.. කියන්න තියන දෙයක් තියනවානම් කියලා යන්න....