Sunday, March 11, 2012

රිච්මන්ඩ් - මහින්ද සටන දැන් නම් හොදටම ඇති

මේ ලිපිය ලියන්නේ නැවතත් රිච්මන්ඩ් - මහින්ද ආදරවන්තයන්ගේ සටනට සමගාමීව සිදු වූ Parade සම්බන්ධ අක්‍රමිකතා සහ සමාජ ජාල වෙබ් අඩවි වල පළ වූ ඇතැම් දෑ පිළිබද නැවත හාරවුස්සන්නට නොවේ. නමුත් මෙසේ දෙයක් කලෙක සිදු විය. නැවත එවැන්නක් සිදු නොවේ ය යන්න තහවුරු කරලීමට ය. ඕනෑම පාසලකට මෙය පොදු කරුණක් ලෙස දකිමි. සිදු වූ දේ කියන්නේ නැතිව එයට පිළියම් සෙවීම කළ නොහැකි වන නිසා සිදුවූ දෙය සැකවින් ගෙන එමි.

2012 මාර්තු මාසයේ 9 හා 10 දෙදින තුළ ක්‍රියාත්මක වීමට නියමිතව තිබුනේ 107 වන ආදරවන්තයන්ගේ මහා සටන යි. මුළු ගාල්ල ප්‍රදේශය මෙන් ම මුළුමහත් ශ්‍රී ලංකාවේම අවධානය දිනාගත් ක්‍රිකට් තරගයක් වන මෙය ඉතාමත් උත්කර්ෂවත් ලෙස ගාල්ල ජාත්‍යන්තර ක්‍රීඩාංගනයේදී පැවැත්වීමට කටයුතු සූදානම් කර තිබුනි. Big Match සංස්කෘතියේ ලක්ෂන මෙහි ද දක්නට විය. මේ කාලය ආසන්න වන විට රිච්මන්ඩ් හා මහින්ද කොඩි වලින් දකුණු ලක අගනගරය පිරී යන්නට විය. සෑම රිච්මන්ඩ්වරයෙක් හා මහින්දීයයෙක් ම තම අනන්‍යතාවය පෙන්වන පරිදි බෑංගල් බැදීමටත් වෙදාට වඩා පන්ති වලදී තමන්ගේ පිල ගැන කතාබහ කිරීමටත් උනන්දු වී සිටි බව කිව යුතු ය. 

ඊට සමගාමීව පැවැත්වූ අනෙක් අංග නම් රිච්මන්ඩ් මහින්ද ශිෂ්‍යනායක සුහද 20-20 ක්‍රිකට් තරගය, රිච්මන්ඩ් හා මහින්ද සුහද විවාදය හා රිච්මන්ඩ් හා මහින්ද Parade එක. ප්‍රථමයෙන්ම පැවති 20-20 ක්‍රිකට් තරගය මහින්ද පිළ ජයග්‍රහනය කරන්නට යෙදුන බව මතක් කර සිටිමි. ඒ සම්බන්ධ උණුසුමු සුභපැතුම් ඔවුන්ට පුද කරන්නට කැමැත්තෙමු. එමෙන්ම මෙවර සුහද විවාදය රිච්මන්ඩ් විද්‍යාලයේ C.W.W. කණ්නංගර බහුකාර්යශාලාවේදී පැවැත්විය. එය ද සාමකාමීව නිමා විය. පසුව පසුගිය අගහරුවාදා (6.3.12) රිච්මන්ඩ් පැරඩ් එක පැවැත්වූවත් එයින් මහජනතාවට හා අප සහෝදර මහින්ද විද්‍යාලයට අපහසුතාවයක් ‍සිදු වූ බවට කිසිදු රාවයක් දක්නට නොලැබුනි. 

නමුත් පසු දින අසන්නට ලැබුනේ ඉතාම කණගාටුදායක සිද්ධියකි. කාවින්ද හර්ෂ ගනේවත්ත (Kavinda Harsha Ganewattha) නැමැති මහින්ද විද්‍යාලයේ ශිෂ්‍යයෙක් විසින් රිච්මන්ඩ් විද්‍යාලයට එරෙහිව දැඩි ලෙස සිත් රිදුම් දෙන ඡායාරූප කිහිපයක් එක් කර තිබුනි. ඒ සිද්ධියට උරණ වූ රිච්මන්ඩ් විද්‍යාලයේ සියල්ලන්ම ඒ කාරණය දැඩි ලෙස හෙලා දකින්නට විය. එමෙන්ම එය තම මෑණියන්ට කළ අපහසයක් සේ සලකා ලේ රත් වූ රිච්මන්ඩ්වරුන් විසින් කෝපය දරාගත ‍නොහැකිව විවිධාකාරයෙන් එය පළ කරන්නට විය. කෙසේ හෝ එම පුද්ගලයාට හෝරා කිහිපයකට වඩා තම ප්‍රොෆයිල් එක තබාගැනීමට නොහැකි තත්වයක් ඇති විය. ඔහු දැන් සොයාගැනීමටවත් නැත. 


මේ සිද්ධිය රිච්මන්ඩ්වරුන්ගේ සිත් තුළ රැවු දෙද්දී ඉන් පසු දින (8) මහින්ද විද්‍යාලයේ පෙරඩ් එකත් සමග පැමිණි යම් පිරිසක් රිච්මන්ඩ් විද්‍යාලයේ ප්‍රධාන පිවිසුම ඉදිරිපිටට පැමිණ පාසලේ තාප්පය උඩ නැග විසුළු ආකාරයට රිච්මන්ඩ් විද්‍යාලයට අපහස වන පරිදි හැසිරී ගොස් තිබින. එමෙන්ම ඔවුන් විසින් පාසලේ තාප්පයේ කාන්තා යට ඇදුම් එල්ලා ගොස් තිබූ බවට පසුව ආරංචි වී තිබින. එපරිදි පාසලකට පැමිණ හැසිරී තම නිවෙස් කරා ගොස් එම පින්තූර හුදෙක් විහිලුවක් ලෙස සලකා අන්තර්ජාලයට ද එක් කර තිබුනේ ඔවුන් කළ ඒ අපහසය නිසා ඔවුන් "වැඩකරුවන්" පිරිසක් යයි ඔවුන්‍ගේ පහත් මානසිකත්වයට හැගුනු නිසා වන්නට ඇත. මින් උරණ වූ රිච්මන්ඩ්වරුන් ඔවුන‍ගේ කෝපය විවිධාකාරයෙන් ඉදිරිපත් කළ අතර මෙම ක්‍රියාව දැඩි ලෙස හෙලා දකින්නට විය. මෙය තවමත් විහිලුවක් යයි සිතා "එල මචං මැක්සා වැඩේ" යයි කියන්නට ඇතැම් මහින්දයන්(නියම මහින්දයන් යයි නොසලකන) කුහක වූ බවත්, ඒ අතර රිච්මන්ඩ් විද්‍යාලයට සිදුවූ අපහාසයට ඇත්තෙන්ම විරුද්ධ වූ "නියම මහින්දයන්" විසින් සමාව ඇයදූ බව ත් එය ප්‍රශංසනීය බවත් කිව යුතු ය.

සිදුවූයේ මෙයයි. එය සිදු විය යුත්තක් නොවුවත් එය දැන් සිදු වී අවසන් බව කිව යුතු ය. කළ යුත්තේ එය හඹා ගොස් පහර පිට පහර ගැසීම නොවේ. එය නිවැරදි කරගැනීම සහ මෙවන් දෑ නැවත සිදුවීම වැලැක්වීමයි. මෙය අවසානයක් කරමු. නැවත මෙවන් සිද්ධි සිදුවීමට ඉඩ නොදෙමු. එමෙන්ම මහින්ද විද්‍යාලය ඉහත සදහන් කළ පුද්ගලයා කළ ක්‍රියාව හමුවේ සමස්ථ රිච්මන්ඩ් ප්‍රජාවගෙන්ම සමාව අයැද සිටීම ප්‍රශංසනීය බව කිව යුතු ය. 

රිච්මන්ඩ් හා මහින්ද යන විද්‍යාල දෙක අතින්ම එකිනෙකාව වැරදි සිදුවී නැතුවා නොවේ.. එම නිසා සියලුම දෙනා මේ සම්බන්ධව තවත් වාද නොකර ඒ අමිහිරි මතකයන් අතීතයටම එක් කර වර්ථමානයේ හා අනාගතයේ මෙවන් දෙයක් සිදු නොවීමට වග බලාගන්නා ලෙස සියළුම දෙනාගෙන් අයැද සිටිමි. රටට වැඩක් කළ හැකි පාසල් දෙකක් ප්‍රධාන කර්තව්‍ය වන එයින් මිදී මෙලෙස විවාද කරගැනීම නවත්වා රට බබලවන්නට කටයුතු කරමු.

108 වන ආදරවන්තයන්ගේ සටන අපි සියල්ලන්ම සමරමු අභිමානයෙන්...!!!
ස්තුතියි

ඔබ මේ සමග එකග ද? නැද්ද?

4 comments:

  1. මේවගේ මිනිස්සු තමයි සමාජයෙ ලොකු පුටුවලට යන්නෙ මේ අය පසු කාලිනවත් මේ වගේ මත වලින් නැතුව කැති පොලු වලින් ගහ ගන්නවා..ඒත් ඈත ගමක ඉස්කෝලෙක කෙල්ලෙක් වස බිව්වම හෙඩ් ලයින් දාන පත්තරවල ටීවි වල මේව යන්නෙ නෑ ...

    ReplyDelete
    Replies
    1. කොළඹ පැත්තේ වෙන දේවල් වලට අනුව නම් මේ දේවල් සුළුයි. ඒත් තවත් මේ දේවල් වෙන්න ඕන නැති නිසායි මේ පෝස්ට් එක දැම්මේ...

      Delete
  2. ඇත්තටම මෙහෙම දේවල් නම් නොවිය යුතුයි..

    ReplyDelete
    Replies
    1. ඔවු අයියේ.. මේ දේ මෙයින් ඉවර වෙන්න ඕන..!!!

      Delete

මේ හැමදේම වෙන්නෙ මිනිස්සුන්ට.. කියන්න තියන දෙයක් තියනවානම් කියලා යන්න....